يدي في يدك يا ليبــــــــــى

قصيدة بعنوان
يدي في يدك يا ليبــــــــــى

بقلم الدكتور فتحي ابو القاسم الغماري

يا ليبي خذ يدي فيدك
خلينا نمشي لقدام
يا ثائر قوللي من قدك
من ضربك طاحت لصنام
راح الظلم معاه أعوانه
و الزمزاكه و الخوانه
يا ليبي خذ يدي في يدك
خلينا نمشي لقدام

يا ليبي خلينا نبني
كل اللي في الوطن انهد
خلينا نبني ونشيد
و الدنيا ما ترجى حد
غايتنا نحقق لامان
خلينا نبني الإنسان
يا ليبي خذ يدي في يدك
خلينا نمشي لقدام

يا ليبي خلينا نسامح
كل اللي نادم مهموم
و اللي يمدلنا ايده نصافح
لكن ما ننسى المظلوم
ياخذ حقه ونواسيه
و من خير بلادي نعطيه
يا ليبي خذ يدي في يدك
خلينا نمشي لقدام

 — with Fathi EL-Ghamari.