انكان علي انسيت غلاك.. وماني شاقيبك بالحيل
انكان علي انعيش بلاك .. ونصبر ماتقسملي ليل
انكان علي انداوي داك .. ونلقا باذن الله بديل
علي ماواجد عانيناك .. انصبوك اتعاند وتميل
الخاطر وروح عطيناك .. ابها بلكل وتقول قليل
انتا تطلب ونقولو هاك .. الشوك انديرو فيه اكليل
قلبناك ايمين القيناك ... اعيابك واصل فالمنديل
الجيهت ليسار قلبناك .. جدب لاقاعه لا بنتيل
ابطلنا من عد سواياك .. اللي فينا هيل بلا ...كيل
اعياط وهرجه ناوياك ... اتقول انحزو بين عويل
اتصدق فالقول اللي جاك.. ونا مانقبل قال وقيل
الساهل بيه ايضيق اوعاك . ايبدد وادير هلاهيل
الحمله لو مولاي عطاك .. احسن منك مافيه مثيل
الصوب اطعمته هيت وهاك . اوحده وحده مو تعجيل
اللي تنقصلك قول افداك .. اللي تنحط عليك اتشيل
ألا انت عرفك دوب اخطاك .. الرفقه تبي باع طويل
وطالق طولك طول هواك .. وتحساب الناس مهابيل
اتندمني ياك ألا ياك .... الجريه مي قدام الخيل
انكان علي امسامح راك .. العمر ان طال وراه رحيل
صحيح انه صاعب فرقاك . ومر وشين علي ثقيل
امغير ايش انديرو الجفاك . اللي تنزيل . بلا تكييل . علي ونا ماعندي حيل ::
حلال علي بودور طويل . الصوت اتشيل . ابقولت يانا طول الليل
انكان علي انعيش بلاك .. ونصبر ماتقسملي ليل
انكان علي انداوي داك .. ونلقا باذن الله بديل
علي ماواجد عانيناك .. انصبوك اتعاند وتميل
الخاطر وروح عطيناك .. ابها بلكل وتقول قليل
انتا تطلب ونقولو هاك .. الشوك انديرو فيه اكليل
قلبناك ايمين القيناك ... اعيابك واصل فالمنديل
الجيهت ليسار قلبناك .. جدب لاقاعه لا بنتيل
ابطلنا من عد سواياك .. اللي فينا هيل بلا ...كيل
اعياط وهرجه ناوياك ... اتقول انحزو بين عويل
اتصدق فالقول اللي جاك.. ونا مانقبل قال وقيل
الساهل بيه ايضيق اوعاك . ايبدد وادير هلاهيل
الحمله لو مولاي عطاك .. احسن منك مافيه مثيل
الصوب اطعمته هيت وهاك . اوحده وحده مو تعجيل
اللي تنقصلك قول افداك .. اللي تنحط عليك اتشيل
ألا انت عرفك دوب اخطاك .. الرفقه تبي باع طويل
وطالق طولك طول هواك .. وتحساب الناس مهابيل
اتندمني ياك ألا ياك .... الجريه مي قدام الخيل
انكان علي امسامح راك .. العمر ان طال وراه رحيل
صحيح انه صاعب فرقاك . ومر وشين علي ثقيل
امغير ايش انديرو الجفاك . اللي تنزيل . بلا تكييل . علي ونا ماعندي حيل ::
حلال علي بودور طويل . الصوت اتشيل . ابقولت يانا طول الليل
ليست هناك تعليقات:
إرسال تعليق