موش اشويه¤كل يوم جثه ع الوطا مرمية
اللي صارلك يا وطن موش اشويه
كل يوم قتل وموت
وصوت الرصاصة فيك أعلى صوت
بين الكفن واللحد والتابوت
راحوا شبابك كلهم جملية
القتل عادي فيك بين الخوت
ايجوز ف الشريعه خي يقتل خيه ؟
ايجوز المدافع يردمن البيوت ؟
كل يوم نار وقصف مدفعية
كل يوم اقتال
وكل يوم نار وضرب واغتيال
اللي صارلك يا وطن مو ع البال
بين العرب ما عاد في حنيه
كل يوم المدافع دايره زلزال
كل يوم الضحايا ف احدود المية
ادموع الصبايا دايره شلال
علي حالتك يبكن بقلب ونية
ايريدن الحال ايكون غير الحال
ايريدن حياه تبقى حياه هنية